பல்

                                                                         பல்                                                                              

                                                           
கடன் கேட்க பல்லை காட்டனும்
கடனை திருப்பி கேட்டா பல்லை தட்டனும்

பொண்ணு மசிய பல்லை காட்டணும்
பொண்டாட்டி படிய பல்லை கடிக்கணும்

பல்லை காட்டிதான் பல் தேய்க்கணும்
பல்செட்டை   கழட்டிதான் பல் தேய்க்கணும்

சரியா கவனிக்கலேன்னா கரை படியும் பல்லுலே
புயல் கறைய கடந்தா தரை தட்டும் கப்பலே

ஆளும் வேலும் பல்லுக்கு உறுதி
நாளும் கிழமையும் நமக்கு நியதி

ஆளு எடுப்பாயிருக்க பல்லு அடுக்காயிருக்கணும்
பல்லு எடுப்பாயிருந்தா சொல்லு கடுப்பாக்கிடும் !

பல் இல்லா பொக்கவாய் சிரிப்பில் , பொக்கே பெற்றதாக மகிழ்ந்தேன்

குழந்தையின் பல் முளைக்க , பார்த்ததை பதம் பார்க்க,  பதை பதைத்தேன்

பாவாடையில் பவனி வந்த பாவைக்கு பல் அடுக்காக வர
அவளது கிளிப்பு போட்ட சிரிப்பில் களிப்பானேன்

பள்ளி சீருடையில் சிங்காரித்து , சிரித்துகொண்டே சென்றவள்
சினுங்கிகொண்டே வந்தாள் பல் பதிந்த கைகளோடு , கலங்கிவிட்டேன்

கல்லூரியில் கண்டவனிடம் காட்டாதே பல்லை என்று சொல்லியும்
கசங்கிய காதலோடு கண்கலங்கியபோது , 

காட்டினேன் நல்ல கணவனை

கட்டிய கணவனை தட்டியதால் விழுந்த பல்லுக்கு பிராயசித்தமாக

தங்கபல் கட்டி , தயங்காமல் வாய் திறந்தான் எந்நேரமும் சிரித்துகொண்டே

குடும்ப குதுகுலத்தில் , அவரவர் சொந்த பந்தங்களை பார்த்து
வேற்றுபடுத்தினாய்  பல்லை காட்டியும் ,பல்லை கடித்தும்

வந்தது வயோதிகம் , பொக்கவாயை பார்த்து கூப்பிட்டார்கள்
பட்டாணி சாப்ட்டுகொண்டே ,பல்லாங்குழி விளையாட !

ஏன் பாடாபடுத்தினாய் அவன் சொந்தம் வந்தால் 

பல்லைகடித்தும்
பாரபட்சமாக உன் பந்தம் வந்தால்

 பல்லைகாட்டியும்

                                                                 அப்பாய்